Kërkoni ndihmë për të gjetur poezite që kërkoni.

Diskutime tek 'Letërsia' filluar nga mirdita, 31 Jan 2013.

  1. mirdita

    mirdita Papirus rex

    Kam nevoje per ndihmen tuaj,me ndihmon dikush te gjeje ndonje poezi te Asdrenit,por jo himnin kombetar,por ndonje poezi???
     
  2. Narkomane

    Narkomane Valoris scriptorum

    Tema: Poezi Për Atdheun

    [​IMG]
    Mbi bar dua të prehem,
    të këndoj, të dëfrehem,
    të shoh rreth bagëtinë,
    kur hanë dhe pinë;
    të shoh fushat e blerta,
    bimët kur i fryen era,
    njërzit kur punojnë
    dhe çupat kur këndojnë!

    Ah, dua dhe lulet,
    kur i shfaqin pekulet,
    dhe fluturat që venë,
    mbi to dua të jenë;
    bilbili t'ia thotë
    nën diellin e ngrohtë.

    Dua dhe Shqipërinë,
    se atje kam shtëpinë,
    kur rrija nëpër ferrat
    edhe lozja me sheqerrat;
    për këtë kam dëshirë
    dhe s'dua më mirë,
    atje dua të shkoj,
    sa të jem e të rroj!
     
  3. Narkomane

    Narkomane Valoris scriptorum

    Sa të dua o Shqipëri.

    Sa të dua, o Shqipëri,
    sa me mall ndiej e sa dëshirë,
    për ty gaz e dashuri
    mu në zemër më ka mbirë!
    Se për mua, o Atdhè,
    je një lule aq e vyer,
    sa nuk gjendet përmbi dhè
    shpirtin tim për të ushqyer!
     
  4. Narkomane

    Narkomane Valoris scriptorum

    Vlorës.

    Ti je balli me florinj,
    ti je lulja e Shqipërisë
    dhe trumbeta e lirisë.
    Pleq që ngjalle dhe të rinj,
    tërë kombi të sjell nder,
    me lavd emrin ta ka shkruar
    se ti trime vet' me duar
    fij't e flamurit ke tjerr!

    Je kurora me shkëlqim
    gurështrenjt', margaritarë,
    që do mjeshtër magjistarë
    t'i radhuan me qëllim.
    Zjarr lëshojnë, që verbon,
    si yj rrotull të shëndrisin,
    rreze njyrash, llamburisin,
    për sy bërë që lakmon!...

    ...Rrotull fqinjët sa fuqi,
    sa mënyra nuk përdorin,
    me pahir që të na korrin
    çdo send, Vlorë, mban në gji!
    Mund e bij ke pas' armiq,
    me syt' katër gjith' pas arit,
    jasht' zakonit të shqiptarit,
    që s'shet besën për ca fiq.

    Por ti, Vlorë, mos u dro!
    Mbaj mburojën me qëndresë,
    se kush vetes i zë besë,
    e mat grushtin me këdo.
    Se dhe Deti mik kur fle,
    n'ëndrrat kryen një dëshirë
    mbret të jet' e zot i lirë
    veç për tokën q'i dha bè.
     
  5. Narkomane

    Narkomane Valoris scriptorum

    I dashur Atdhe.


    Me vite jam larguar,
    i dashur Atdhè,
    por nuk të kam harruar,
    se shumë i ëmbël je.

    Kjo zemra më këndon
    për ty, o Shqipëri,
    por prapë më lëngon,
    se je në varfëri.

    Të fala të dërgoj,
    këndej ku jam Atdhè,
    gjithnjë po të kujtoj,
    se birin tënd më ke.
     

Shpërndajeni këtë faqe