Jorgo Bllaci

Diskutime tek 'Letërsia' filluar nga Komita2006, 15 Oct 2006.

  1. Komita2006

    Komita2006 Primus registratum

    Jorgo Bllaci

    Dëshirë

    Me vjen turp te qaj i heshtur,
    si nje shelg perbri mocalit!
    Dua te gjemoj pareshtur
    Porsi lisi maje malit.

    Rreth kurores , shpeseria
    Le te mos me cicerojne
    Qe prej zgavrave te mia
    shkabat te te vigjelojne.

    Deget e fuqishme dua
    te me tunden neper ere
    Papushuar permbi mua
    bore e virgjer le te bjere.

    Siper akujve te ftohte
    do te ngjitem der te rete
    S'do me vije keq ne ndodhte
    te zhuritem nga rrufete!

    Se n'u dashte te zhuritem
    do zhuritem maje malit
    Po s'do qaj e s'do nemitem
    i perulur , bri mocalit
     
    guest17 likes this.
  2. Komita2006

    Komita2006 Primus registratum

    Re: Jorgo Bllaci

    ***

    Petalet bien; era mengadale
    I hedh mbi gjurmat, qe le mikja pas.
    E shoh tek shkon e heshtur dhe nje fjale,
    Per lamtumire, s`kam fuqi t`ia flas.


    E c`mund t`i them? Degjon te kthehet valle
    Serishmi zogu, qe mergimin nis,
    Kur tjeter vis kerkon e s`e ze malli
    Per cerdhen a per strehen qe braktis?


    Papritur, te rrembyera rrekera
    Ne shpirt me mbysin dhembjen pa kufi!
    Petalet bien… heshtas shket pranvera,

    Roniten te perkoheshmet stoli…
    Nje grusht kujtimesh qe shperndau era,
    Ja c`qe , se fundi , gjithe kjo dashuri !
     
    guest17 likes this.
  3. Komita2006

    Komita2006 Primus registratum

    Re: Jorgo Bllaci

    ***
    Dy hapa larg, e vite per t`arritur
    Atje, ku per cdo cast na vete malli,
    Atje, ku bujarisht fal jeten diell` i ndritur,
    Atje, ku po na qajne per se gjalli.


    Dy hapa larg, vella, dy hapa larg, matane
    Pas mureve te lagesht e te erret,
    Po na vajton liria, qe prej saj na ndane,
    Sepse me fort e deshem nga te tjeret.
     
  4. Komita2006

    Komita2006 Primus registratum

    Re: Jorgo Bllaci

    ***
    Sa pisk e kam, sa dhembje ndjej, sa dua
    Te me perpije brenda dheu i zi !
    Oh , zgjate doren sonte edhe mbi mua ,
    te ngrohten dore , o mema Shqiperi !


    Jam i semure , buza po me dridhet ,
    Ketu ne gjoks dicka me cpon , si gjemb ,
    Nje lemsh , nj`e forte xhung ne fyt me mblidhet ,
    S`marr fryme dot , cdo pejz ne trup me dhemb .


    Nje cast me merr ne gjirin tend te shenjte
    Te mbeshtes kryet e te qaj , te qaj ,
    Ashtu siq mund te qajne , o meme e shtrenjte ,
    vec foshnjat dhe fajtoret e pa faj !
     
  5. Komita2006

    Komita2006 Primus registratum

    Re: Jorgo Bllaci

    ***
    Kenge , jete , drite , hapsesire ,
    Brohori jehonash plot kumbim !
    Enderrat e shpirtrave te delire
    Kalterojne qiellin pa mbarim !


    Eja mike , flakja zemres velin
    Qe te ka mbuluar me merzi :
    Gonxhet po shperthejne , shih , po celin
    Mijera lule , mijera dashuri !


    Mjaft me drojtjen tende dhe ngurrimin !
    Sot pranvera zgjon kudo gezimin –
    Jepju e tera vrulleve te tua ,

    Eja te te puth , te te pushtoj !
    Njerez , qe te gjitheve ju dua , -
    Lermeni , si mik , t`ju perqafoj !
     
  6. Komita2006

    Komita2006 Primus registratum

    Re: Jorgo Bllaci

    ***
    Mban mend ? Kesaj rruge dolem
    Naten e lamtumires.
    Fjalet , qe dot nuk i folem ,
    Shiu ia tha erresires.


    S`di sonte kendej si kalova ,
    Kohet si lash menjane ;
    Befas m`u duk se degjova
    Dy zera , si zerat tane :


    Njeri dic foli per mallin ,
    Tjetri sikur psheretiu …
    E dashur , ne ishim valle ,
    Apo erresira dhe shiu ?
     
    guest17 likes this.
  7. Komita2006

    Komita2006 Primus registratum

    Re: Jorgo Bllaci

    ***
    Une e di qe ti tani per mua ,
    Prane stufes rri edhe mendon :
    “Jorgo , Jorgo !- ti me vete thua , -
    Kete nate ku po e kalon ?


    Valle , mos ndonje vejushe e mbetur
    Te ka marre sonte ne shtepi
    Dhe te puth e te pushton e etur ,
    Gjithe epsh e gjithe egersi ? …


    S`ke se c`ben , e dashur , rruge e shkrete
    Ne te huaj shtreter te perplas !
    S`kane faj vejushat mendjelehta
    Qe ne brengen time gjejne gaz !


    Ti serishmi mendjen vret per mua ,
    Prane stufes , brengen duke fshehur :
    „ Jorgo , Jorgo ! – prap me vete thua
    Mos po endesh rrugeve i dehur ? “



    Jo , e dashur , sonte fli e qete :
    Ne nje park te heshtur , fill i vetem
    Po qendroj , porsi nje zog pa flete ;
    Permbi stol i krrusur , qaj e mekem
    Dhe pse qaj nuk e kuptoj as vete …
     
    guest17 likes this.
  8. Komita2006

    Komita2006 Primus registratum

    Re: Jorgo Bllaci

    ***
    Ra nata mbi fushen pa ane ,
    Zefiri shelgjishtat perkund .
    Po shkasin karrocat me sane
    Ne pluhur te rruges pa fund .


    Kojrillat merguan ne juge
    Dhe pylli se thelli rrenkon .
    Dikush , ne te heshturen rruge ,
    Nji kenge te dhembshur kendon .


    Dhe ikin karrocat me sane ,
    E zera nuk ndihen gjekund .
    Mendimet pas tyre c`me vane ,
    Ne mjegull te fushes pa fund…
     
    guest17 likes this.
  9. Komita2006

    Komita2006 Primus registratum

    Re: Jorgo Bllaci

    ***

    Kur padashur humbas nder kujtime ,
    Mos me shih me trishtim e merzi ;
    Mos m`u ngrys , moj e bukura ime , -
    Koha shkon e me s`kthen perseri .


    Por nga mjegull` e kohes se ikur ,
    Ndodhe qe shpesh ndonje ze na jehon
    Mallengjenjes , i larget , i mbytur , -
    Dhe padashur ne shpirt na trishton …
     
    guest17 likes this.
  10. Komita2006

    Komita2006 Primus registratum

    Re: Jorgo Bllaci

    ***
    Ti kedo mbi dhe do ta cuditje,
    Mike moj, qe s`vure mend nje here;
    Kur me sheh me vajza ne shetitje,
    Pse serishmi behesh pike e vrer?


    Foshnje ishe, foshnje, mike, mbete,
    Ndonese per dike tani je grua;
    C`dreqin ke,c`tu shkrep pas kaqe vjetesh,
    Qe xheloze behesh prap per mua?


    Une kurre ty s`ta kam rrefyer
    Brengen, qe ne shpirt mezi permbaj;
    Dashurija,dashuri` e fyer,
    Gur me ben e nuk me le te qaj.


    Ja keshtu, moj mike,qenka jeta:
    Ndodh qe nga nje here, per cudi,
    Lodhet prej mesimeve te veta
    Edhe behet foshnje, porsi ti.


    Ne s`e qeshim tekanjozen jete,
    Po kur ne gabojme , ajo harron :
    Ndonese marrezira ben dhe vete,
    Rende ne na tall e na ndeshkon.


    Mike , qe me bere te trishtuar,
    Te te qesh, as qe me shkon ndermend,-
    Esht` i gjere shpirt` i perveluar,
    Ka nje vend dhe per gabimin tend !
     
    guest17 likes this.
  11. Komita2006

    Komita2006 Primus registratum

    Re: Jorgo Bllaci

    ***
    Kur buzqesh plot gaz e shend,
    Ti ndrin gjithe enderrat e mia;
    Nga thellesire e syrit tend
    Veshtron e cilter dashuria.


    Hutohem, mendjen krejt humbas,
    Magjepsem pas atij veshtrimi;
    Me grish padashur n`at cast
    Nje vis i larget enderrimi,


    Kur vetetin ne qiellin blu
    Gezimi, jeta, lumteria,
    Ashtu siq ndrin ne syte e tu,
    Ne syte e qeshur dashuria!
     
  12. Komita2006

    Komita2006 Primus registratum

    Re: Jorgo Bllaci

    ***
    Ta le shendene , o shok , o mik , qe thelle
    Per mua pate ndjere dhembshuri !
    Nuk dua helm kjo vjershe te te sjelle ,
    Kur vete po e shkruaj ne qetsi.


    Perse po ngre sot dore kunder vetes ?
    Nuk di ne c`hon i shpreses yll me ra.
    Kam mbetur n`udhekryq e shtegu i jetes
    S`kuptoj nga cila ane nis , or vlla.


    Mistere te panumerta ne koke
    M`u mblodhen e s`po di se nga t`ia mbaj ;
    S`me mbetet vecse me te ftohten toke
    Morine e te fshehtave ta ndaj.


    Ti mos kerko t`i dish keto mistere
    Te lutem vec , me duf, me shpirt , me zjarr ,
    Te me kujtosh per mire edhe ahere ,
    Kur te me kalbet kryqi … mbi varr !
     
    guest17 likes this.
  13. Komita2006

    Komita2006 Primus registratum

    Re: Jorgo Bllaci

    ***
    Ne fshehtazi shkembejme shpesh veshtrime,
    Po sot nje hon i thell po na ndan;
    Ne fund te tij, si foshnjeze jetime,
    Me dhembje dashuria jone qan.


    Pa ditur se perse, pa lot, pa fjale,
    Pa puthje, ne u ndame neper terr.
    Pasionet u roniten mengadale
    Dhe humben ne nje mjegull plot mister.


    Dhe sot, qe me pendim, me mall a vojtje,
    Te shkuaren sikush ne shpirt permban,
    Ne heshtim kryeulur e me drojtje,
    Si vjollca, anes honit qe na ndan.
     
    guest17 likes this.
  14. Komita2006

    Komita2006 Primus registratum

    Re: Jorgo Bllaci

    ***
    Gjithe fusha humbi neper mjegull.
    E brengosur hena e plote ndrin.
    C`po me thua, moj fatlumja pjergull,
    Qe mbi gjoks te plepit shushurin ?


    Ti , perbri cdo druri te te mbillnin ,
    Do ta dridhje shtatin plot harbim ,
    S`do te ndieje brenga te te ndrydhnin ,
    Se ti s`njeh as mall , as pikllim .


    Por , e shtrenjta ime larg , moj pjergull,
    Bri nje tjetri, brengen s`permban dot ,
    Tret veshtrimn` e dhembshur neper
    mjegull
    Edhe , mbase , fshehtas qan me lot .
     
    guest17 likes this.
  15. Komita2006

    Komita2006 Primus registratum

    Re: Jorgo Bllaci

    ***
    Brengen e madhe mbyta ne nje gote;
    Si qenkam dehur sonte s`e kuptoj!
    Per gjerat me te bukura ne bote
    Sa me pelqen te rri e t`enderroj.


    Sa me pelqen gazmor t`i bie lires ,
    Po ku te le mendimi te defresh ?
    Demon , demon i madh i hapsires ,
    Akoma ti kerkon te me genjesh ?


    Ti po ma nxine me brenga djalerine ,
    Ti po m`i shqyen brinjet , po me c`mend,-
    Ose me kthe serishmi qetesine ,
    Ose me sill ketu terbimin tend !


    Se do t`i qepem qiellit kesaj nate ,
    Per flokesh ta kap henen e me te
    Te sillem hapsires se pamate
    E te mos zbres mbi toke kurre me !
     
  16. Komita2006

    Komita2006 Primus registratum

    Re: Jorgo Bllaci

    BALADE


    S`di nga me vjen kjo kenge e mbytur shpendi ,
    Qe pa pushim ne zemer me buqet :
    “ Ne nje kafaz te bukur prej argjendi
    Dikur me mbylli mizorisht nje mbret .


    Me roberine time zbukuroja
    Stolite e tij te ngurta ne saraj ;
    Me kengen time brenges i tregoja
    Sa me zhuriste shpirtin zjarri i saj .


    Po nje mengjes , dericken e kafazit
    Sekush e hapi … Une u bera plumb !
    Ne xhamat e dritares u perplasa ,
    I theva e cava qiellit pa fund ,


    Dhe si pushtova duke fluturuar ,
    Me krahet gjak , te thellat kaltersi ,
    E prita vdekjen pa u deshperuar ,
    Sepse e ngopa shpirtin me liri ! „
     
  17. Komita2006

    Komita2006 Primus registratum

    Re: Jorgo Bllaci

    BULKTHI

    Gjeni i cuditshem i nates dimerore!
    Kur mjegull` e zymte djerrinat i mbulon,
    Diku te nje strehez, nen shtresen e debores,
    Me kenge te thjeshta, pareshtur ti gjemon.


    Ne veren e ngrohte, gjinkallat kur zhuzhonin
    Ne kore gazmore, nder druret plot blerim,
    Ne kenget e tua perse nuk i degjonim?
    Mos valle ke heshtur me brenge e permallim?


    Po vera s`la gjurme mbi degzat e ngrira.
    U zhduken gjinkallat, gjithcka perreth u zhvesh,
    Si miku qe s`iken ne castet e veshtira,
    O shpirt ligjeronjes, ti mbete midis nesh!


    Dhe ndonse thellimi i nates dimerore,
    Atje ndene strehez, te rreh me ftohtesi,
    Ne gjoksin e vogel ti gjen zjarre madheshtore
    Per kenget e thjeshta plot ndjenje e dliresi!
     
  18. Komita2006

    Komita2006 Primus registratum

    Re: Jorgo Bllaci

    VRESHTI I POEZISE

    L.Poradecit

    „Naimi preu shkurret,shkuli ferrat,
    Pastaj qilizme truallin punoi ;
    Fidanet mbollen me durim te tjeret
    Dhe vreshti i bukur shpatin gjelberoi.
    Kur vajta une atje,- me tha Lazgushi,
    Nje mbremje buze gjolit tek shetisnim,-
    Hardhite kishin lidhur vile rrushi,
    Por kemi etje ! dukej sikur flisnin.
    Ahere c`bera ? Neper shkemb te malit,
    Nje brazde hapa deri te burimet
    Dhe me se fundi, ujrat si kristali
    U derdhen neper te me mermerime“

    Si tha keto, mbeshteti te dy duart
    Permbi bastun, dhe shtoi si neper lote :
    „ E keni radhen ju per te punuar
    Kete te bukur vresht, pa shok ne bote.
    Ta rritni te shendetshem , ta selitni ,
    Ta doni si thesarin me me vlere ;
    Dhe neve , qe aty e lame shpirtin ,
    Na sillni neper mend ngandonjehere!...”
     
    guest17 likes this.
  19. Komita2006

    Komita2006 Primus registratum

    Re: Jorgo Bllaci

    ***
    Ne nji rreth miqsh me pyeten nje dite:
    “Pse, kur ne vjersha titulli mungon,
    Shenohen shpesh tre yje?Kjo tradite
    Ka mbetur kot, apo dicka tregon?”

    „Ka yj te ndezur, ka dhe yj te shuar ,
    Qe drita , - u thash, - vazhdon u vje mbi
    dhe,

    Po ka me larg dhe yj te pazbuluar,
    Se rrezja s`u ka mbrritur gjer te ne.


    Dhe poezia , porsi galaktikat,
    Keshtu tre llojesh yjte e vet i ka;
    Prandaj , kur s`vihen titujt mbi lirika,
    Shenohen shpesh tre yje… dhe nder ta,

    I pari shpreh te bukuren q`e shohim ,
    I dyti , ate qe ne kujtim rron,
    Kurse i treti, ate qe ne s`e njohim ,
    Po vete poezia e zbulon.”
     
  20. Komita2006

    Komita2006 Primus registratum

    Re: Jorgo Bllaci

    TUFANI


    Nentogeri gjithnje me pat thene :
    “Shok ushtar , duhet bindje n`ushtri!”
    Porse une atehere kam qene
    Kokekrisur , sic jam dhe tani .


    ………………………………..


    Cmendurisht une e dua tufanin , -
    Sidomos atehere n`ushtri ,
    Ku kish dreqer ne vend te me mbanin ,
    Kur degjoja gjemimet e tij !


    Nje te diel pushimi dhjetori ,
    Tek shetisja me shoket plot shend ,
    Permbi krahe tufani me mori
    Dhe me beri te bridhja pa mend .


    Me perplasej ne gjoks ere e forte
    Dhe me mbushte me gaz e me dehte…
    Po me zuri nje shi , more shoke ,
    Nje rrebesh qe me solli ne vete !


    Erdha mardha e ngriva aq shume ,
    Sa u bera si dreqi pishman.
    I thash vetes : perse bre , pa pune ,
    Te baresesh keshtu ne tufan ?


    Po rrebeshi gjithe fushen e nxiu.
    Ku te gjeja nje strehe? Per fat ,
    Pash diku nje kasolle bariu ,
    Qe m`u duk n`at cast si pallat !


    Neper shqoten e rrepte e rrebele ,
    Nisa vrapin drejt saj menjehere.
    Do me bente baloshi fertele,
    Po mos dilte nje vashez ne dere.


    „C`lumturi!“- peshperise i cuditur
    Edhe shtangem prej gazit ne vend !
    Kjo kasolle, kjo vajze , papritur
    Robert Bernsin me sollen ndermend.


    Ne nje vjershez ai kishte shkruar,
    Se nje vajze e shpetoi ne tufan.
    „Dic do jem,- thash dhe une i gezuar,-
    Qe papritur keshtu po me ngjan!”


    Vetetimthi leshverdha fshatare,
    Si sorkadhez e trembur me pa.
    Dhe pastaj, me nje ndrojtje mitare,
    „Urdhero ne kasolle…“- me tha.


    Ula kryet e pragun kalova,
    Me nje drithme te thelle ne gji…
    Por m`u shemb gjithcka qe mendova,
    Se te zjarri qe plaku bari!


    Kur ai me veshtrim drejt meje,
    Mermeriti : „ Ku shkon neper shqote?“
    Une ndjeva papritur nder deje
    Nje rrenqethje te ftoht`e te forte.


    Mblodha veten e vajta te zjarri,
    Zura vend dhe i thash menjihere :
    “Epo, xhaxho, detyr` e ushtarit
    As qe pyet per shqote e per ere…”

    ………………………………

    Ne kujtese edhe sot me ka mbetur
    Cdo veshtrim i leshverdhes, cdo gjest.
    At nate, kur rash per te fjetur
    (Vetekuptohet se ku : ne arrest),


    Papushuar ne shpirt me kumbonte
    Embelsisht zeri i saj vasheror.
    Gjithe ankth, prisja diten t`agonte
    Dhe takimin gazmor dashuror.


    Por agoi, u ngrys, prap agoi…
    Une s`pashe as fushe,as rruge.
    Komandanti pastaj me dergoi
    Me sherbim, diku tutje ne jug.


    Kur u ktheva kish ardhur pranvera,
    Kishte nisur te zgjohej prap jeta,
    Po ne fushe, mes lulesh tjera,
    Me te bukuren lule s`e gjeta.


    Ne repart, disa shoke me thane,
    Se nji vajze me kishte kerkuar,
    Po pastaj, s`di ne c`mal, me babane ,
    Tok me grigjen ajo kishte shkuar…


    Ato vite, s`di c`shpresa me mbanin
    Qe ta shihja ndokur…
    Dhe prandaj
    Cmendurisht une e dua tufanin,
    Se me shfaq fytyren e saj…
     
    guest17 likes this.

Shpërndajeni këtë faqe